Gürcüstan Parlamentinin sədri İrakli Kobaxidze “Rustavi 2”nin
canlı efirində bəyan edib ki, “Gürcü Arzusu”nun
hər bir lideri digər siyasi güclərdən dəyərləri ilə fərqlənir.
“Bilirsiniz niyə bütün işlərdə vicdanlıyıq? Çünki
konkret dəyərlərə əsaslanırıq. Misal üçün Parlament adından deyə
bilərəm ki, bizim Parlamentdəki komandamızın liderlərindən hər biri
belə işləyir. Onların qarşısına pul qoysan, heç biri toxunmaz.
Bizim dəyərlərimiz məhz budur və biz 9 il ərzində və ondan da
əvvəllər Gürcüstanda mövcud olan kirli siyasi güclərdən məhz
bununla fərqlənirik”, - deyə Kobaxidze bildirib.
Kobaxidze bir daha “Omeqa Qrup”un Bidzina İvanişvili və iqtidar
komandasına qarşı ittihamlarını təkzib edib.