“Qanun hamı üçün asan
çıxış yoludur” – Malxaz Maçalikaşvili və Zaza
Saralidzenin yeni il illuminasiyalarının montajı dövründə
parlamentin ətraf ərazisini tərk etməzsə problem necə həll olunacaq
sualına Tbilisinin meri Kaxa Kaladze belə cavab verib.
“Onlar (Saralidze və Maçalikaşvili) qanuna uyğun
meriyaya müraciət etmişdilər və dekabrın sonuna qədər aksiyaları
davam etdirmək istəyirdilər. Bunu aksiya və ya sözünü demək imkanı
adlandıra bilərik. Biz də qanuna əsasən onlara izah etdik və yazdıq
ki, bu konkret yerdən istifadə etmək mümkün olmayacaq. Çünki
paytaxt meriyası yeni il tədbirlərinə hazırlaşır və onların yeni il
tədbirlərinin keçirilməyəcəyi başqa yer tapmaq imkanı var ki, mane
olmayaq və onlara bu hüququ verək” – bildirir
Kaladze.
Zaza Saralidze bildirir ki, Tbilisinin meriyasından xəbərdarlıq
alıb. Ona bildiriblər ki, aksiyanın yerini dəyişsin çünki meriya
parlament qarşısında yeni il üçün şam ağacı bəzəməyə
hazırlaşır.
Zaza Saralidze və Malxaz Maçalikaşvili üç aydır ki, uşaqlarının
öldürülməsi işinin istintaqı tələbi ilə parlament qarşısında
aksiyalar keçirirlər. Etirazlarını dayandırmağı və meriyanın
tələbini yerinə yetirməyi planlaşdırmırlar.
9 noyabrda Saralidzenin dediyinə görə, bir noyabrda Tbilisi
meriyasına aksiyanın 31 dekabra qədər davam etdirilməsi icazəsi
üçün müraciət edib. Onun dediyinə görə, cavab olaraq mesaj alıb ki,
yeni il hazırlıqlarına görə, aksiyanın yerini dəyişməlidirlər
“ona görə ki, orada şam ağacı qurmağı
planlaşdırırlar”.
“(Bu məktubla) birbaşa bizə dedi ki, bu gün hakimiyyət
harada istəyirsiniz orada olun, biz sizin tələbinizə dair heç bir
addım atmayacağıq. Bizim uşaqlarımızın qatillərini məsuliyyətə cəlb
etməyəcəklər və ümumiyyətlə heç nəyi araşdırmağa hazırlaşmırlar. Bu
məktubda birbaşa bu yazılıb” - deyir Saralidze.
“Buradan heç yerə addım da atmayacam” –
deyir Maçalikaşvili.
Saralidze-Maçalikaşviliyə bu günə qədər parlament qarşısında çadır
qurmaq hüququ vermirlər.