Qoç
- fəallıq və səylərinizi yönəldəcəyiniz istiqaməti müəyyənləşdirin.
Yaxın gələcəkdə maksimum fayda əldə etmək üçün əsas fəaliyyət
yönünü seçin. Yaxın ətrafınızdakı insanlar sizi nəyəsə razı salmağa
çalışanda, güc və qüvvənizi, vaxt və səylərinizi tələb edən əmələ
yönəltmək istəyəndə "yox" deməyi bacarın.
Buğa - günün ilk yarısında plan və ideyalar çoxdur. Vaxt, resurs,
informasiya qıtlığına rəğmən növbəti layihəyə başlayın. İşlərdə
qayda yaradın. Təmirə ehtiyac duyan avadanlıq və qurğunu normal
vəziyyətə gətirin. Vədlərə əməl edin, öhdəlikləri yerinə
yetirin.
Əkizlər - müsbət əhval-ruhiyyə ilə pozitiv davranış bir çox işləri
görməyə yardım edəcək. Yeni tanış olduğunuz insanlarla ünsiyyətdə
aqressiv davranmayın. Maraqlandığınız məsələnin təfərrüatlarını
öyrənin.
Xərçəng - etiraf etmək gərəkdir ki, zəngin təcrübə irəliləyişin
avtomatik, aprior təminatçısı deyil. Ötənlərdəki xidmətlərinizin
dəyərləndiriləcəyini düşünməyin. Yaxın gələcəkdəki prosesləri
indidən planlaşdırın. Yenilikləri əxz edin.
Şir - günün ilk yarısında əlahiddə fəaliyyətin nəticəsi pis,
faydalı iş əmsalı aşağı olacaq. Dostların yardımlarından
bəhrələnərək yaxşı nəticələr əldə etməyə can atın. Çox iş görmək
fikrindən vaz keçin. Əks təqdirdə ifrat yorğunluğa düçar ola
bilərsiniz.
Qız - xeyli əvvəl hazırladığınız planı həyata keçirə bilərsiniz.
Niyyətlərin reallaşma zamanıdır. Amma yaranmış situasiyanın
təhlilini və şəraitin dəyərləndirilməsini unutmayın.
Problemlərin həllində xudpəsənd olmayın, illüziyalara
qapılmayın.
Tərəzi - günün ilk yarısında həddən artıq önəmli hadisə baş
verməyəcək. Amma hadisələrin gedişatından narazı qalmayacaqsınız.
Çox ağır saydığınız problemi asanlıqla çözə bilərsiniz. Yanınızdakı
insanlar sizinlə mübahisə etməyəcəklər.
Əqrəb - günün ilk yarısı səyahətə və ya işgüzar səfərə yollanmaq
üçün əlverişlidir. Bacarıqlarınızı, təcrübənizi ətrafınızdakı
insanlara nümayiş etdirin. Lakin maliyyə məsələlərini həll etmək,
təfərrüatlarına yaxşı bələd olmadığınız sahəyə sərmayə yatırmaq
üçün münasib zaman deyil.
Oxatan - günün ilk yarısında işgüzar tərəfdaşlar və həmfikirlərlə
ünsiyyətdə xeyir var. Bilik və bacarıqlarınızı nümayiş etdirin,
bacarıqlarınızı artırın.
Oğlaq - eksperimentlər aparmaq, hadisələrin rutin axarına
yeniliklər və əlavələr etmək olar. Yeni işgüzar fəaliyyət sxemi
hazırlayın. Ünsiyyət tərzinizi dəyişin. Qayda və təlimatlara
kor-koranə riayət irəliləyiş vəd etmir.
Dolça - günün ilk yarısında əmək məhsuldarlığınız və peşəkar
imkanlarınız sizə özünüzə tam əminlik yaratmayacaq. Yaxın
ətrafınızdakı insanlardan birinin fəaliyyətini öz işlərinizlə
sürəkli müqayisə etməyin. Nikbin olun.
Balıqlar - laübəli, amma perspektivlər vəd edən gündür. Heç bir
yerə tələsməyin, başladığınız işi başa vurun. Səliqə ilə, aramla
çalışın. Ətrafınızdakı insanların bir neçəsi qıcıqlandıra bilər.
Fəqət, indi münasibətləri daha da sərinləşdirməyin, səbrli olun.
Dözüm bir çox problemlərin avtomatik həlli deməkdir.