Zükerberqin sərvəti bir gün ərzində 6,2 milyard dollar artıb
"Facebook" sosial
şəbəkəsinin təsisçisi və icraçı direktoru Mark Zükerberqin sərvəti
bir günə 6,2 milyard dollar artıb.
"Facebook"un ötən ilin yekununa dair hesabatını açıqlaması fonunda
sərvəti artan Mark Zükerberq dünyanın ən zəngin insanları
siyahısında 2 pillə irəliləyib.
Zükerberqin sərvəti 65,6 milyard dollar həcmində qiymətləndirilir.
Yanvarın 31-də bir gün ərzində sərvətinin bu həcmdə artması ilə o,
"Bloomberg" milyarderlər indeksinin ən zənginlər siyahısında 7-ci
pillədən 5-ci pilləyə yüksəlib. Sözügedən siyahıya artıq 15 aydır
ki, "Amazon" şirkətinin rəhbəri Ceff Bezos liderlik edir.
Qeyd edək ki, yanvarın 30-da "Facebook" şirkəti 2018-ci ilin
yekunlarına dair hesabat yayıb. Hesabata əsasən, üç il ərzində
şirkətin xalis mənfəəti 39% artaraq 22,1 milyard dollar, ümumi
gəliri isə 37 faiz artaraq 55,8 milyard dollar təşkil edib.
Mənbə:
Milli.az