Deputat Emzar Kvitsianinin bəyanatına görə,
tezliklə təşkilat (ola bilsin fond) yaranacaq və oraya emiqrantlar
pul köçürəcəklər və həmin pul ehtiyac ucbatından ailə qurmağa cəhd
etməyən cütlüklərə sərf olunacaq. Bu haqqda Kvitsiani
"PalitraNews"-un efirində bildirib.
“Tezliklə təşkilat yaranacaq, ola bilsin
fond oldu və oraya emiqrantlar pul köçürəcəklər. Yeni ailələrin
gücləndirilməsi üçün yardıma başlanılacaq. Elə cütlüklər var ki,
imkanları olmadığına görə ailə qura bilmirlər. Agentlər olacaq və
gəzib belə cütlükləri tapıb, qeydiyyata alaraq kömək
edəcəklər”- Kvitsiani
bildirib.
Onun sözlərinə görə, sevgili cütlüklər qeydiyyata düşmək üçün ərizə
yazacaqlar.
Kvitsiani qeyd edib ki, fond yalnız gürcülərə
yardım edəcək. Verilişin aparıcısının bunun etnik azlıqlara qarşı
diskriminasiya olması replikasına Kvitsiani cavab verərək deyib ki,
bu diskriminasiya deyil çünki fondu dövlət deyil, fərdi şəxslər
yaradır. Ancaq antidiskriminasiya özəl sektora da
aiddir.