3 mart üçün ulduz falı
Qoç
- günün ilk yarısını optimal, əlahiddə zaman adlandırmaq çətindir.
Həyat tonusu yüksək deyil. İşləriniz bir qədər az olsaydı,
sevinərdiniz. Amma işlər çoxdur və onların hamısı diqqət tələb
edir. Çətin ki, axşama qədər istirahətə, gücünü bərpa etməyə
vaxtınız ola.
Buğa - pis zaman deyil. Bəxtiniz gətirir. Hadisələr gözlənilmədən
uğurlu inkişaf edəcək və siz bundan yararlanmaq imkanını əldən
verməyəcəksiniz. İşdə uğur qazanmaq ehtimalı böyükdür. Yeni iş
tanışlıqları şansı yaranacaq.
Əkizlər - məramlarınız və hədəfləriniz dəyişə bilər. İdeya
baxımından kasadlıq hiss olunmur. Təşkilati məsələlərlə bağlı
problemlər yaranarsa, çevik tərpənin. Nəzərdə tutduğunuz işləri
başa çatdırmaq üçün qüvvə, vəsait və ya diqqət çatışmazlığı istisna
deyil. Yarımçıq işlərdə süni təkanlar və ya gərəksiz sürətlənmələr
işin zərərinədir.
Xərçəng - geniş miqyaslı işə başlayırsınızsa, vəziyyətin
ağırlaşması istisna deyil. Aktivliyinizi azaltmağa çalışan, sədlər
və maneələr yaradan insan var. Dürüst istiqamətdə hərəkət
etdiyinizə əmin deyilsinizsə, problemləri mərhələli şəkildə,
tələsmədən həll edin. "Şər deməsən, xeyir gəlməz" deyimini
unutmayın.
Şir - ciddi, əhəmiyyətli işə başlamaq üçün qətiyyətli olun.
Tərəddüd etməyin, iradəli davranın. Fikriniz cari işlərdən
uzaqlarda olmasın. İllüziyalara qapılmayın, fantaziyanın köləsinə
çevrilməyin. Qarşınıza qoyduğunuz məqsədin reallıq səviyyəsini
saf-çürük edin.
Qız - mövqelərinizi möhkəmləndirin, stabilliyə can atın. Danışıqlar
aparın, informasiya arayın, mütəxəssislərlə məsləhətləşin.
İntellektual və fiziki yük az olmayacaq. Zəruri təhlildən sonra
ideyalar, hesablamalar, təkliflər və vədlər başqa forma ala
bilər.
Tərəzi - sizə səbr lazımdır. Bu gün ümid və planlarla doludur. Amma
onların həyata keçməsi üçün bir qədər vaxt lazımdır. Özünüzü işə
girişməyə məcbur etmək çətindir. Bu, təcili həllini tələb edən peşə
problemləri ortaya çıxdıqda xoşagəlməz nəticələr verə bilər.
Əqrəb - günün ilk yarısında baş verəcək fors-major situasiya cari
məsələlərin həllinə, öhdəliklərin yerinə yetirilməsinə mane ola
bilər. Fəaliyyətinizin məhsuldarlığı durumdan tam asılı
olmamalıdır. Gərəkli nəsnələr yaxınlıqdadır, əlçatandır. Yaxın
ətrafınızdakı insanlarla təmaslar zərurət həddindən kənara
çıxmamalıdır.
Oxatan - bir yerdə durmasanız, süst davranmasanız, əməyinizin
bəhrəsini görəcəksiniz. Kefinizi kökəldəcək hadisələr yaşana bilər.
Güzəşt, kompromis zamanıdır. Nəzərdə tutulmamış olay fəaliyyət
planlarını poza bilər. Yeni işlərə başlamayın, ifrat təşəbbüskar
olmayın.
Oğlaq - Hər şey yaxşı gedir. Amma çox yavaş. Hadisələrin daha
sürətlə cərəyan etməsini istəsəniz də, buna nail ola
bilməyəcəksiniz. Günün əvvəli yaradıcılıq fəaliyyəti üçün
münasibdir. Sizin ideyalarınız son dərəcə yaxşıdır. Amma onları
layiqincə qiymətləndirməyi hamı bacarmır. Günün ikinci yarısında
hesab işlərində səhvlər, maddi itkilər mümkündür.
Dolça - ətrafınızdakı insanların energetik təsirinə həddən artıq
aludə olmayın. Hisslərinizə hakim olun. İstənilən hadisənin inkişaf
məcrasında emosiyalar böyük rol oynamamalıdır. Vədlərə inanmayın,
başqasının qurduğu situasiyaya düşməyin.
Balıqlar - günün ilk yarısında hansısa nəticəyə nail olmaq üçün
maksimum səy göstərmək lazım gələcək. Bir az zəiflik kifayətdir ki,
uğursuzluqlar üzərinizə gəlsin. Alın təri ilə işləməli
olacaqsınız. İş mühitində ciddi münaqişələr mümkündür.