İrakli Qaribaşvilinin siyasətə qayıdacağını və
onun “Gürcü Arzusu”nun siyasi katibi vəzifəsini tutacağını
partiyadan rəsmi olaraq təsdiqləyiblər.
Qaribaşvili siyasi şuranın üzvü olacaq.
Partiyanın baş katibi Kaxa Kaladzenin bildirdiyinə görə,
Qaribaşvili fərqli xüsusiyyətlərə malik insandır və onun ölkənin
inkişafına mühüm töhfəsi olub.
Bu günədək partiyanın siyasi katibi vəzifəsini Qia Volski tuturdu.
Bu gün məlum oldu ki, “Gürcü Arzusu” yeni vəzifə – başqa
partiyalarla əlaqələr üzrə katib vəzifəsini təsis edib və Volski
məhz bu vəzifəni tutacaq.