Avtomobillərin təkrar texniki baxışdan keçməsi zamanı yalnız çatışmamazlıqlar yoxlanılmayacaq - əlavə nəyə diqqət yetirəcəklər?
Avtomobillərin
təkrar texniki yoxlayışdan keçməsi zamanı yalnız xarab olmuş
hissələr yoxlanılmayacaq.
Bu haqda dəyişiklik nəqliyyat vasitələrinin dövri baxışdan keçməsi
reqlamentinə daxil olub.
Konkret olaraq, dəyişikliyə əsasən təkrar yoxlama zamanı nəqliyyat
vasitəsinin vizual yoxlayışı da həyata keçiriləcək.
Avtomobilin təkərlərinin, ön şüşənin, səsboğanın, qazın normadan
artıq tüstülənməsinin və digər elementlərin xarici nəzərdən
keçirilməsindən söhbət gedir.
Xatırladaq ki, avtomobilin texniki baxışı 2018-ci ildən mərhələli
şəkildə davam edir. 2019-cu ilin 1 yanvarından isə hər növ
avtomobil üçün baxışdan keçmək məcburidir.