8
mart Beynəlxalq Qadınlar günü 1857-ci ildən qadınların kişilərlə
bərabər hüquqlu olmaq uğrunda apardığı mübarizənin təmsili
başlanğıcı olaraq, ABŞ-ın Nyu-York şəhərində geyim sektorunda
çalışan yüzlərlə qadının aşağı maaşa, uzun çalışma saatlarına, eyni
zamanda pis iş şəraitinə etiraz olaraq tətil etməsi qəbul
edilir.
8 mart 1908-ci ildə Nyu York Sosial-Demokrat Qadın Təşkilatının
çağırışı ilə 15 min qadın, daha qısa çalışma saatı, kişilərlə
bərabər əmək haqqı və səsvermə hüququ üçün nümayiş keçirdi.
Nümayişdə ayrıca ilk dəfə olaraq dekret icazəsi istəyən qadınların
şüarı “Çörək və Gül” idi. Çörək həyat eşqini, qarın toxluğunu, gül
isə daha rifahı ifadə edirdi.
1910-cu ildə 1857-ci il hadisələrdən 52 il sonra Danimarkanın
Kopenhagen şəhərində keçirilən Qadın Sosialist İnternasionalının
qurultayında 1857-ci ilin 8 martında Nyu-Yorkda başlayan
mübarizənin, qadın hüquqlarının genişləndirilməsi və qadın
həmrəyliyinin simvolu olaraq Klara Setkin adlı bir alman sosialist
qadını, Amerikada 8 martda yandırılaraq öldürülən 129 qadın işçinin
xatirəsinə hər il 8 mart gününü Dünya Qadınlar Günü olmasını təklif
etdi və bu təklifi qəbul edildi.
Bu gün də 8 mart qadınlar günü dünyanın əksər ölkələrində qeyd
edilməkdədir. Bu ölkələr sırasına Gürcüstan da daxildir.
Hər il 8 mart Gürcüstanda geniş şəkildə keçirilir.
Maraqlıdır, bəs Marneuli sakinləri 8 martı necə qeyd edirlər?
Bəylər daha çox hansı hədiyyələrə üz tuturlar.
Hədiyyə sifarişlərini onlayn yolla çatdırılmasını həyata keçirən
Marneuli Hədiyyələr səhifəsinin rəhbərindən müsahibə alaraq
Marneuli sakinlərinin hədiyyə seçimləri ilə tanış olduq.
Səhifənin rəhbəri 8 martla bağlı daha çox sifarişlərin gəldiyini
bildirdi və o, qeyd etdi ki, hədiyyə sifariş verənlərin
əksəriyyətini bəylər təşkil edir. Onlar daha çox şokolad, balaca
oyuncaq ayı və gül buketinə üstünlük verirlər.
Bəylər isə xanımlarına daha çox 100 lari məbləğində hədiyyələr
alırlar.
Biz Marneuli sakinlərinləri arasında sorğu keçirdik. 8 mart üçün
bəylər kimlərə, nə hədiyyə alacaqlar, eyni zamanda qadınlar
kimlərdən və hansı hədiyyələr gözləyirlər – onların fikirləri ilə
tanış olduq.