Malxaz Kobaurini Smitlər ailəsinin qətlində günahkar biliblər
Andlı hakimlər Malxaz Kobaurini Smitlər
ailəsinin qətlində günahkar bilib. Qərar Qori rayon məhkəməsində
elan edilib.
Prokuror Zaza Datukaşvili jurnalistlərə
bildirib ki, Kobauri andlı hakimlərin məhkəməsi tərəfindən bütün
ittihamlarda günahkar hesab edilib və hökm yekdilliklə
çıxarılıb.
Müdafiə tərəfi qərarı şikayət etməyi planlaşdırır.
“Əmin oluruq ki, bizim cəmiyyət andlı hakimlik üçün
hazır deyil. Ali məhkəməyə şikayət edəcəyik. İrəli getmək üçün
yollarımız yenə qalır. Ancaq bir fakt var ki, andlı hakimlərə hökm
çıxarmaq üçün nəzərdə tutulduğundan artıq vaxt lazım
oldu” – Kobaurinin vəkili Aleksandre Kobaidze
bildirib.
Andlı hakimlərin hökmündən sonra artıq hakim Malxaz Kobauri üçün
cəza müddətini müəyyən edəcək.
Malxaz Kobauri cinayət məcəlləsinin 109-cu maddəsinin birinci
hissəsinin “q”, 2-ci hissəsinin “b”, 3-cü hissəsnin “a” və “b”
altbəndləri və 137-ci maddənin birinci hissəsi ilə nəzərdə tutuluş
cinayətdə ittiham olunur. Maddələr başqa cinayəti asanlaşdırmaq və
örtmək məqsədi ilə qəsdən adam öldürmə, üç nəfərin xüsusi şiddətlə
öldürülməsi, əvvəldən bilərəkdən azyaşlıya qarşı qətl və zorlamanı
nəzərdə tutur. Qeyd olunan cinayət 16-dan 20 ilə qədər və ya daimi
həbs cəzasını nəzərdə tutur.