Saqareco bələdiyyəsinin Keşəli kəndində 40 yaşlarında kişiyə bir
neçə dəfə atəş açılıb.
Yerli sakinlərin sözlərinə görə, Aydın Həmzəyev kiçik bizneslə
məşğul olduğu şəxsi ticarət məkanında güllələnib.
Yerli sakinlər üçün hadisənin konkret səbəbi barədə danışmaq çətin
olsa da, onlar keçmişdə pul tələb olunması faktını da versiyalardan
biri hesab edirlər.
Hadisə səhər saatlarında baş verib. Faktla bağlı Cinayət
Məcəlləsinin 108-ci qəsdən adam öldürmə maddəsi ilə istintaq
aparılır. Hadisə yerinə polis səfərbər olunub.