Marneuli meri Kənan Ömərov Tercola meri Laşa Qoqiaşvilinin ölümü
ilə bağlı başsağlığı verib.
Bu barədə məlumat merin rəsmi "Facebook" səhifəsində paylaşılıb.
Kənan Ömərov paylaşımında Laşa Qoqiaşvilinin ailəsinə, dostlarına
və yaxınlarına başsağlığı verib.
"Həmkarım, Terjola Munisipalitetinin meri Laşa
Qoqiaşvilinin vəfatı ilə bağlı dərin kədərimi bildirirəm. Ailəsinə,
dostlarına və yaxınlarına başsağlığı
verirəm".
Qeyd edək ki, Tercola meri Laşa Qoqiaşvili bələdiyyənin Sefareti
kəndi ərazisində motosikletlə hərəkət edərkən qəzaya düşüb.
Motosikletlə yük maşınının toqquşması nəticəsində xəsarət alan
Tercola meri Laşa Qoqiaşvili Kutaisi xəstəxanasına aparılıb.
Həkimlərin səyinə baxmayaraq, 42 yaşlı merin həyatını xilas etmək
mümkün olmayıb.
"Gürcü Arzusu" Partiyasının namizədi olmuş Laşa Qoqiaşvili 2021-ci
ildə ikinci dəfə Tercola bələdiyyəsinin rəhbəri seçilib.