Daxili İşlər Nazirliyinin əməkdaşları tərəfindən həyata keçirilən
əməliyyat-axtarış tədbirləri nəticəsində Tbilisi,
Şida Kartli və Sameqrelo bölgələrində qanunsuz odlu silah və döyüş
sursatı götürülüb, 4 nəfər saxlanılıb.
Cinayətlərə görə 3 ildən 7 ilədək azadlıqdan məhrumetmə cəzası
nəzərdə tutulur.
Patrul Polis Şöbəsinin əməkdaşları, 1983-cü il təvəllüdlü Türkiyə
Respublikası vətəndaşı M.İ. Tbilisidə saxlanılıb. Hüquq-mühafizə
orqanlarının əməkdaşları onun şəxsi axtarışı zamanı maddi sübut
kimi 1 ədəd odlu silah, ağızlıq və döyüş sursatı götürüblər.
Şida Kartli polis idarəsinin əməliyyat-axtarış şöbəsinin
əməkdaşları, əvvəllər müxtəlif cinayətlərə görə məhkum olunmuş
1992-ci il təvəllüdlü T.K. Qoridə saxlanılıb. Hüquq-mühafizə
orqanlarının əməkdaşları təqsirləndirilən şəxsin evində aparılan
axtarış nəticəsində 1 ədəd odlu silah, 1 ədəd ağızlıq və patronlar
götürüblər.
Tbilisi Polis İdarəsinin əməkdaşları qanunsuz olaraq odlu silah və
döyüş sursatı almaq və saxlamaq ittihamı ilə Tbilisidə 1969-cu il
təvəllüdlü Q.A.-nı həbs ediblər. Hüquq-mühafizə orqanlarının
əməkdaşları onun evinə baxış
zamanı maddi sübut kimi 2 odlu silah
və 23 patron götürüblər.
1974-cü il təvəllüdlü M.N-nı Sameqrelo-Zemo Svaneti Polis
İdarəsinin Poti şəhər bölməsinin əməkdaşları Potidə qanunsuz odlu
silah almaq və saxlamaq ittihamı ilə saxlayıblar. Onun yaşadığı
ünvana baxış zamanı polis maddi sübut kimi odlu silah, ağızlıq və
patronlar götürüb.
Odlu silah və döyüş sursatlarının qanunsuz alınması, saxlanması və
gəzdirilməsi faktları ilə bağlı Gürcüstan Cinayət Məcəlləsinin
236-cı maddəsinin 3-cü və 4-cü hissələri ilə istintaq aparılır.