Vətəndaşlar bu gün səhər saatlarında Tbilisi meriyası qarşısında
etiraz aksiyası keçiriblər.
Onların əsas tələbi Tbilisi meri Kaxa Kaladze və prosesdə iştirak
edən digər yüksək vəzifəli şəxslərin Vake parkında ölən və
yaralanan uşaqlara görə məsuliyyət daşımasıdır.
Nə Marita Meparişvilinin ölümü, nə də iki yeniyetmənin
yaralanmasına görə Daxili İşlər Nazirliyi tərəfindən heç kim
saxlanılmayıb.
Bundan əvvəl fəallar cinayətkarlar cəzalandırılana qədər
aksiyaların daimi olacağını bildiriblər.
Bu il oktyabrın 13-də 13 yaşlı iki oğlan Vake Parkında yeni açılmış
fəvvarənin içərisinə düşən topu götürmək üçün suya girib və onları
elektrik cərəyanı vurub.
13 yaşlı Marita Meparişvili elektrik cərəyanı vurması nəticəsində
suda qalan dostlarına kömək etmək üçün suya girib.Tbilisi meri Kaxa
Kaladze qəzadan bir gün əvvəl təmir edilmiş fəvvarəni açıb. Hadisə
ilə bağlı araşdırma başlansa da kiminsə cinayətinin üzə
çıxıb-çıxmadığı hələlik məlum deyil.