2021-ci ildə Gürcüstanda maliyyə xidmətləri ilə məşğul olan
müəssisələrin bəyan edilmiş gəlirləri 7101,2 milyon lari təşkil
edib.
Bu barədə məlumatı Milli Statistika Xidməti yayıb.
Onların məlumatına görə, bunun böyük hissəsi (76,3 faizi) faiz və
analoji gəlirlərə, 11,2 faizi komissiya haqlarına, qalan 12,5 faizi
isə digər gəlir növlərinə yönəldilib.
“2021-ci ilin sonuna maliyyə xidmətləri göstərən müəssisələrin
kassasına nağd pul şəklində 2370,0 milyon lari yerləşdirilib.
2021-ci ilin sonuna əsas və qeyri-istehsal aktivlərinin qalıq
(uçot) dəyəri 1800,6 milyon lari təşkil edib.
2021-ci ildə maliyyə xidmətləri göstərən müəssisələrdə çalışan
işçilərin orta illik sayı 38,5 min nəfər olub, onların 60,3 faizini
qadınlar təşkil edib.
2021-ci ildə sığorta şirkətləri tərəfindən əldə edilən mükafat
(ümumi) (birbaşa sığorta fəaliyyətinə görə) 705,6 milyon lari
təşkil edib ki, bunun da 39,2 faizi tibbi (sağlamlıq) sığortası, 16
faizi əmlak sığortası, 8,5 faizi həyat sığortasının payına
düşüb.
2021-ci ildə sığorta şirkətləri tərəfindən dəyən sığorta itkiləri
(ümumi) 425,2 milyon lari müəyyən edilib ki, bunun da 56,5 faizi
tibbi (sağlamlıq) sığortası, 8,7 faizi əmlak sığortası, 7,1 faizi
həyat sığortası, 3,4 faizi sığorta ilə bağlı mülki məsuliyyətin
sığortasıdır. ”, - deyə Milli Statistika Xidmətinin
yaydığı məlumatda bildirilir.