Vardzia muzeyinin yaxınlığında dağın yamacından daşlar düşüb.
Mədəniyyət Nazirliyindən verilən məlumata görə, hadisə nəticəsində
xəsarət alan olmayıb.
“Oktyabrın 18-də səhər saatlarında Vardzia muzeyinə
bitişik ərazidə, perimetrin giriş baryerinin yaxınlığında dağın
yamacından daşlar düşməyə başlayıb (daşlar yuvarlanıb).
Lakin qeyd edildiyi kimi, bu, muzeyə bitişik, mədəni irs
abidəsindən - Vardzia Monastır Kompleksindən uzaq ərazidir. Hadisə
nəticəsində abidəyə təhlükə yaranmayıb”, - deyə
Mədəniyyət Nazirliyinin məlumatında bildirilir.