Marneuli bələdiyyəsinin Xancığazlı, Aşağı Qullar və Xutor-Lejbəddin
kəndlərində qəbiristanlıqların ətrafına hasar çəkiləcək.
İşlər kəndə dəstək proqramı çərçivəsində həyata keçiriləcək. Bunun
üçün 37 525 lari xərclənməsi planlaşdırılır. Marneuli meriyası
işləri yerinə yetirmək üçün hökumət tərəfindən verilmiş hüquqdan
faydalanıb və həmin hüquq çərçivəsində sadələşdirilmiş qaydadan
istifadə edib.
“Gürcüstan dövlət büdcəsi ilə nəzərdə tutulmuş Gürcüstanın
regionlarında həyata keçiriləcək layihələr fondundan, kəndə dəstək
proqramının həyata keçirilməsinə qoşulmuş bələdiyyələrə razılıq
verilib. Razılığa görə, vahid alqı-satqı, həmin proqram
çərçivəsində alınacaq tikinti materialları, işlər və həmin işlər
üçün lazımı smeta sənədləri hazırlanması üçün dövlət alqı-satqısı
ümumilikdə 50 416 797 lari çərçivəsində, sadələşdirilmiş alqı-satqı
vasitəsi ilə həyata keçirilməlidir”, – hökumətin
qərarında yazılıb.
Qəbiristanlıqların hasarlanması işlərini “Merkuri” MMC Xancığazlı
kəndində 11 235,52 lariyə, Xutor-Lejbəddində 11 235,52, Aşağı
Qullarda isə 15 054,38 lariyə həyata keçirəcək.