Keniyada yerli ekoloqlar Gürcüstanda baobabın satışına və ixracına
qadağa qoyulmasını tələb edirlər. Bu barədə Britaniyanın “The
Guardian” nəşri yazır.
Nəşrin məlumatına görə, Qiorqi Qvasalianın rəhbərlik etdiyi şirkət
biopiratlıqda ittiham olunur. Onların sözlərinə görə, o, ağacları
alır, sonra qazıb Gürcüstanın botanika bağlarına aparır. Baobablar
Gürcüstana Kilifi şəhərindən gətirilir və yerli fermerlərdən
alınır.
Yerli sakinlərin sözlərinə görə, şirkət 2019-cu ildə baobab
axtarışına başlayıb. Kilifdə dronlarla müəyyən standartda ağac
axtarırlar. Hər bir baobab üçün fermerlərə 100.000 ilə 300.000
Keniya şillinqi təklif olunur ki, bu da təxminən 820 ilə 2000
dollar arasındadır. “Guardian”ın məlumatına görə, onlar ümumilikdə
8 baobab alıblar.
Ekspertlər belə bir addımın quraqlıqla mübarizə aparan və itirilmiş
meşə örtüyünü bərpa etməyə çalışan Keniyanın ekologiyasına mənfi
təsir göstərə biləcəyinə inanırlar.
Afrika Baobab Alyansının sədri Qus Le Breton, "Bu, piratçılıqdır və
mən ağacların dünyanın bir yerindən digərinə köçürülməsinə heç bir
bəraət görmürəm", - deyə bildirib.
Qvasalianın özünün dediyinə görə, o, Keniyada bu ağacların artıq
müxtəlif məqsədlər üçün kəsildiyini öyrəndikdən sonra Keniyada
baobabları müşahidə etməyə və istədiyi baobabları seçməyə
başlayıb.
"Məndən əvvəl bu yerlərdə taxıl əkməki üçün ağacları kəsiblər.
Onsuz da kəsdikləri ağaclara qulluq etməkdə qəbahət görmürəm.
Ağacları boş yerə məhv etmək faciədir", "Guardian" " Qvasaliadan
sitat gətirir. Keçən ay Keniyalı hüquq müdafiəçiləri və meşə
təsərrüfatı xidmətinin nümayəndələri prokurorluğa şikayət ediblər
və Qvasalianın şirkəti məhkəməyə verilib. Bildirilib ki, şirkət
lazımi lisenziyalara, o cümlədən ağacların daşınması üçün icazəyə
malik deyil.
Məhkəmə prosesi dayandırılıb, çünki firma bütün sənədləri alıb və
iddiaçılar Qvasalianın aldığı baobabın şəxsi torpaqda böyüdüyü üçün
gücsüz olduqlarını etiraf ediblər.
The Guardian qeyd edir ki, baobabları kökündən çıxarmaq asan məsələ
deyil, çünki ağacların nəhəng kökləri və nəhəng budaqları var.
Bundan əlavə, bu ağacları gəmilərə yükləmək üçün müvəqqəti yollar
və estakadalar tikilir.