“26 oktyabr tarixində, Tbilisidə “Etnik azlıq gəncləri yaşıl fəallıq naminə” layihəsinin nəticələrinin təqdimatı və müzakirəsi keçirilib.

Layihə çərçivəsində “Həmrəylik Muzeyi” gənclərlə birlikdə fəaliyyət həyata keçirirdi və həmin fəaliyyət uzunmüddətli nəticələrə istiqamətlənmişdi. Belə fəaliyyətlərdən biri də ağac əkilməsi idi. “Həmrəylik Muzeyinin” təsisçisi Elnur Əlisoy “Marneuli” radiosu ilə söhbəti zamanı bildirdi ki, onlar Kvemo Kartli miqyasında 417 ağac əkiblər. Bitkilərin əksəriyyəti Marneulidə əkilib. Elnur Əlisoy layihə çərçivəsində ən böyük nailiyyət olaraq makulaturanın təkrar emal edilməsi üçün davamlı sistemin formalaşmasını qeyd edir.

“Həmrəylik Muzeyi HYGGE təşkilatı ilə birlikdə layihə həyata keçirirdik. Bizim donor təşkilat Litva səfirliyi idi. Bildiyiniz kimi, Kvemo Kartlidə etnik azlıqların sıx məskunlaşdığı yerlərdə ətraf mühitin mühafizəsi istiqamətində çox çatışmazlıqlar var. Bu hava və ya torpağın çirklənməsi ola bilər. Ona görə də bu sahəyə fəallar lazımdır. Biz şagirdlər, yeniyetmələr və tələbələrlə işləyirik. Onların iştirakı da təmin olunmuş fəaliyyətlər edirik. Bununla onlar ətrafda nə baş verdiyini yaxşı başa düşürlər. Çox fəaliyyətlər həyata keçirmişik. Problem Dmanisi, Bolnisi, Qardabani, Rustavi və Marneulidə 30 sahə işi şəraitində müşahidə edildi. Bir sıra problemlər müəyyən etdik. Bunun nəticəsində məktəblərlə və şagirdlərlə işləməyə başladıq. Biz eləcə də Dmanisi, Bolnisi, Qardabanidə 20 aksiya keçirdik, tullantı ilə dolmuş 100-dən artıq torbanı zibil qabına apardıq. Aksiyada təxminən 120 nəfər iştirak edirdi. Növbəti fəaliyyət quş damlarının hazırlanması idi. 74 quş damını 8 bələdiyyədə 18 məkana hədiyyə etdik. Sonra bizim üçün mühüm olan daha bir uğur var idi. Makulaturanın təkrar emal edilməsi üçün davamlı sistemin formalaşdırılması. Biz bunu etdik, Kvemo Kartli çərçivəsində 20 məktəb, 16 təşkilat buna qoşulmuşdu. Makulatura toplamaq üçün qutular yerləşdirdik. Qutuları “Kriala” MMC – bizim tərəfdaş təşkilatımız vermişdi. Mərhələlərlə həmin makulatura götürüləcək və əvəzində şirkət, Həmrəylik Muzeyi həvəsləndirmə üçün təşkilatlara və ya məktəblərə kitablar, yaxud tinglər verəcəyik”, – Elnur Əlisoy bildirdi.

Layihənin yekun tədbirində təşkilatlara sertifikatlar verilib. Müzakirə “Kvemo Kartlidə ətraf mühitdə problemlər və çıxış yollarına həsr olunub”.