Polis 4 nəfəri maddi səmərə əldə etmək məqsədilə kompüter sisteminə
icazəsiz daxil olmaq və külli miqdarda oğurluq etmək ittihamı ilə
saxlayıb.
Daxili İşlər Nazirliyinin Tbilisi Polis İdarəsinin Baş İstintaq
Bölməsinin əməkdaşları hakimin qərarı ilə həyata keçirdikləri
əməliyyat tədbirləri və istintaq hərəkətləri nəticəsində 4 nəfər -
1971-ci il təvəllüdlü M.İ., 1984-cü il təvəllüdlü L.Ç. , 1983-cü il
təvəllüdlü M.Q. və 2002-ci il təvəllüdlü S.Q.-nı saxlayıb.
Daxili İşlər Nazirliyindən bm.ge-yə verilən məlumata görə, onlar
kompüter sisteminə icazəsiz daxil olmaqda və maddi mənfəət əldə
etmək məqsədilə külli miqdarda pul oğurlamaqda ittiham olunurlar.
Cinayət 6 ildən 10 ilə qədər azadlıqdan məhrumetmə ilə
cəzalandırılır.
“İstintaq zamanı müəyyən edilib ki, təqsirləndirilən şəxslər maddi
mənfəət əldə etmək məqsədilə vətəndaşları aldadaraq onların bank
hesablarına icazəsiz öz mobil telefonları vasitəsilə daxil olub,
həmin şəxslərdən külli miqdarda pul vəsaitini şəxsi hesablarına
köçürüblər.
İstintaqın hazırkı mərhələsində zərərçəkmişlərə dəymiş ziyanın
100.000 lari keçdiyi müəyyən edilir.