Dövlət Təhlükəsizlik Xidmətinin məlumatına görə, noyabrın 1-də
Rusiya işğalçı qüvvələrinin nümayəndələri Qori bələdiyyəsinin
Mecvrisxevi kəndi yaxınlığında üç Gürcüstan vətəndaşını qanunsuz
olaraq saxlayıblar.
Agentlikdən verilən məlumata görə, qanunsuz saxlanma barədə məlumat
daxil olan Dövlət Təhlükəsizliyi Xidməti Avropa İttifaqının
monitorinq missiyası vasitəsilə fəaliyyət göstərən “qaynar xətt”i
işə salıb. Hadisə ilə bağlı məlumat dərhal beynəlxalq tərəfdaşlara
və Cenevrədəki beynəlxalq müzakirələrin həmsədrlərinə çatdırılıb.
Gürcüstanın Mərkəzi Hökuməti qeyri-qanuni saxlanılan şəxslərin qısa
müddətdə azad edilməsi üçün bütün mövcud mexanizmləri işə
salıb.
“Qeyri-qanuni həbslərin zərərli praktikası əsas azad hərəkət
hüququnu məhdudlaşdırır, yerlərdə təhlükəsizlik mühitini
əhəmiyyətli dərəcədə pisləşdirir və regionda sabitliyi təhdid edir.
Gürcüstanın işğal olunmuş ərazilərində, eləcə də işğal xəttinə
yaxın ərazilərdə törədilən dağıdıcı hərəkətlərə görə məsuliyyət
işğalçı dövlətin üzərinə düşür”, - DTX bildirib.