Ukrayna prezidenti Vladimir Zelenski Rusiya prezidenti Vladimir Putinin Bali adasında keçirilməsi planlaşdırılan G20 sammitində iştirak dəcəyi halda özünün iştirak etməyəcəyini bildirib.

“Mən başqalarının “taqım” sammitində iştirakını izləmirəm. Mənim şəxsi və Ukraynanın mövqeyi ondan ibarətdir ki, Rusiya Federasiyasının lideri [zirvə toplantısında] iştirak edərsə, Ukrayna iştirak etməyəcək. Gəlin görək gələcəkdə nə olacaq”, - Zelenski cümə axşamı keçirilən brifinqdə bildirib.

Bu il noyabrın 15-16-da İndoneziyanın Bali adası “G20” sammitinə ev sahibliyi edəcək.

İndoneziya hökuməti digər liderlərlə birlikdə Ukrayna və Rusiya prezidentlərinə dəvət göndərib. Vladimir Putin bu yaxınlarda sammitdə iştirak edib-etməmək barədə hələ yekun qərar vermədiyini bildirsə də, Rusiyanın orada “tamamilə yüksək səviyyədə” təmsil olunacağını qeyd edib.