Dövlət Təhlükəsizliyi Xidmətinin məlumatına görə, işğal olunmuş
Abxaziyanın işğalçı rejiminin nümayəndələri Gürcüstan vətəndaşı,
Qali sakini A.T.-ni qanunsuz olaraq həbs ediblər.
Agentlik bildirir ki, “Qaynar xətt”in paylaşdığı məlumata görə,
qanunsuz olaraq saxlanılan şəxs narkotik maddələr almaq və
saxlamaqda ittiham olunur.
“Paylaşılan məlumata görə, qanunsuz saxlanılma A.T-nin daimi
yaşadığı işğal olunmuş ərazidə baş verib. Dövlət Təhlükəsizliyi
Xidməti tərəfindən dərhal “qaynar xətt” aktivləşdirilib və A.T-nin
qanunsuz saxlanılması barədə məlumat Avropa İttifaqının Monitorinq
Missiyasına və Cenevrədə keçirilən beynəlxalq müzakirələrin
həmsədrlərinə çatdırılıb.
Gürcüstan vətəndaşının qanunsuz həbsdən azad edilməsi üçün bütün
mövcud mexanizmlər işə salınıb və iş aparılır. İşğal rejimi
tərəfindən həyata keçirilən son dərəcə dağıdıcı qeyri-qanuni həbs
praktikası yerli əhalinin gündəlik həyatını çətinləşdirir və
təhlükəsizlik mühitinə xeyli ziyan vurur. İşğalçı qüvvələr
tərəfindən həyata keçirilən bütün həbslər qanunsuzdur və buna görə
tam məsuliyyəti işğalçı qüvvə daşıyır", - məlumatda
deyilir.