Parlament silah dövriyyəsinə nəzarətin effektiv mexanizminin
yaradılması üzərində işləyir.
Bu, müəllifi Daxili İşlər Nazirliyi olan “Silah haqqında” qanununda
nəzərdə tutulan dəyişikliklər paketinə aiddir.
Maliyyə və büdcə komitəsinin iclasında “Silah haqqında” qanuna
dəyişikliklər müzakirə edilib.
Daxili işlər nazirinin müavini Aleksandre Daraxvelidzenin izah
etdiyi kimi, qanun layihəsi qəbul olunarsa, cinayətlərin və digər
hüquqpozmaların qarşısının alınması üçün dövlət tərəfindən
silah
dövriyyəsinə nəzarətin effektiv mexanizmi yaranacaq, bu da lülənin
uzunluğu və silahın ümumi uzunluğu silahların növlərə bölünməsinin
əsas meyarlarından biri kimi məsələləri əhatə edəcək.
“Atıcılıq idmanının üzləşdiyi hüquqi problemlər həll
olunacaq, bunun nəticəsində Federasiya ov və idman odlu
silahlarını, ov və idman pnevmatik silahlarını və bu silahların
əsas elementlərini və döyüş sursatlarını, mərmiləri almaq,
Gürcüstana idxal etmək və Gürcüstandan ixrac, bundan əlavə, müvafiq
hüquqi şəxslər tərəfindən alınan silahların qeydiyyata alınması
öhdəliyi və proseduru müəyyən ediləcək”, - Aleksandre
Daraxvelidze bildirib.
Bundan başqa, qanun layihəsinə əsasən, 2023-cü il yanvarın 1-dək
saxlamaq və gəzdirmək hüququ ilə qeydiyyata alınmış qısa lüləli
odlu silahlar 6 ay müddətində, yəni 2023-cü il iyulun 1-dək yenidən
qeydiyyata alınmalıdır. Bundan əlavə, layihənin tərifi kartında
göstərildiyi kimi, qeyd olunan alətlər saxlama hüququ ilə
qeydiyyata alınmalıdır.
Öhdəliyin yerinə yetirilməməsi şəxsin məsuliyyətə cəlb edilməsi,
xüsusən də 1000 lari məbləğində cərimə və xəbərdarlıqla
nəticələnir. Sözügedən xəbərdarlığa 30 gün ərzində əməl edilməməsi
şəxsə 3000 lari məbləğində cərimə və xəbərdarlıq, 30 gün ərzində bu
xəbərdarlığa əməl edilməməsi isə silahların müsadirəsi ilə
nəticələnəcək.