Bu ilin oktyabr ayında Gürcüstana 498 477 beynəlxalq səyahətçi səfər edib. Bunlardan digər səfərlər (qeyri-turizm) 55 874, beynəlxalq ziyarətçilər tərəfindən edilən səfərlər isə 442 603 olub. Bu barədə Milli Turizm Administrasiyası məlumat yayıb.

Qeyd edək ki, administrasiyanın məlumatına görə, bu ilin oktyabr ayında beynəlxalq səyahətçilərin səfərləri 2021-ci ilin müvafiq dövrü ilə müqayisədə 125,9%, 2020-ci ilin oktyabr ayı ilə müqayisədə 858,3% artıb və bu, pandemiyadan əvvəl 2019-cu ilin oktyabr göstəricisindən 36,3% azdır.

2022-ci ilin oktyabr ayında beynəlxalq ziyarətçilərin etdiyi səfərlərə əsasən, ilk 15 ölkə belə görünür:

• • Rusiya - 109 158 ziyarətçi;
• • Türkiyə - 81 033 ziyarətçi;
• • Ermənistan - 72 877 ziyarətçi;
• • Gürcüstan (qeyri-rezident) – 28 305 ziyarətçi;
• • İsrail - 23 761 ziyarətçi;
• • Ukrayna - 15 133 ziyarətçi;
• • Azərbaycan - 13 719 ziyarətçi;
• • Qazaxıstan - 9461 ziyarətçi;
• • Belarus - 9066 ziyarətçi;
• • İran - 8012 ziyarətçi;
• • Almaniya - 5679 ziyarətçi;
• • Polşa - 5269 ziyarətçi;
• • Səudiyyə Ərəbistanı - 5004 ziyarətçi;
• • Tayland - 4474 ziyarətçi;
• • Hindistan - 4219 ziyarətçi.