Gürcüstan Xarici İşlər Nazirliyinin məlumatına görə, İstanbulda baş
verən partlayış zamanı Gürcüstan vətəndaşlarının xəsarət alması ilə
bağlı Baş Konsulluğa heç bir bildiriş daxil olmayıb.
“Məlumatlara görə, Gürcüstanın İstanbuldakı Baş Konsulluğuna
Gürcüstan vətəndaşları ilə bağlı rəsmi bildiriş daxil olmayıb.
Konsulluq yerli hüquq-mühafizə orqanlarının əməkdaşları ilə daim
əlaqə saxlayır”, - Xarici İşlər Nazirliyinin
məlumatında deyilir.
Partlayış bu gün İstanbulun mərkəzində, İstiqlal küçəsində baş
verib. İstanbul qubernatorunun sözlərinə görə, şəhərin mərkəzində
baş verən partlayış nəticəsində 4 nəfər ölüb, 38 nəfər
yaralanıb.