2018-2022-ci illərdə paytaxt ərazisində tullantılarla ətraf mühitin
çirkləndirilməsinə görə ümumilikdə 4 446 623 lari dəyərində cərimə
yazılıb.
Tbilisi meriyasından “İPN”-nin tələb etdiyi ictimai məlumata cavab
olaraq bildiriblər ki, yalnız 2022-ci ilin yanvarından oktyabra
qədər Tbilisidə 1612 cərimə protokolu yazılıb. Buna əsasən də
cərimələrin miqdarı 1 029 320 lari təşkil edib. Tbilisi meriyasının
bələdiyyə müfəttişlliyi tərəfindən təqdim
edilmiş 2018-2021-ci
illərin statistikasına əsasən, ümumilikdə, 9573 fiziki şəxs, 954
hüquqi şəxs cərimələnib. 10 624 protokol yazılıb, cərimələrin
miqdarı ümumilikdə 3 417 303 lari təşkil edib.
Daha konkret olaraq, 2018-2021-ci illərdə, Tbilisidə məişət
tullantıların atılmasına görə fiziki və hüquqi şəxslərə ümumilikdə
7 659 cərimə protokolu yazılıb. Tikinti tullantıları ilə
çirkləndirməyə görə ümumilikdə 2915, təhlükəli tullantılarla ətraf
mühiti çirkləndirməyə görə isə 50 protokol yazılıb. Cərimələrin
məbləği 2018-21-ci illərdə 3 417 303 lari təşkil edib.
Bundan əlavə, İPN Tbilisi meriyasından fiziki və hüquqi şəxslər
tərəfindən pozutuların təkrar olunma halları, eləcə də konkret
hansı yerlərin çirkləndirilməsinə görə daha çox cərimə protokolu
tərtib olunması, Tbilisi meriyasının müvafiq xidmətinin pozuntuları
aşkarlayan halda nə qədər müddətdən bir yoxlayış aparmaq hüququnun
olması barədə də məlumat tələb edib. Ancaq qurumdan verilmiş
məlumata görə, bələdiyyədə belə statistika yoxdur.