4 həkimin dövlət arayışı dayandırılıb. Bu barədə Səhiyyə Nazirliyi
məlumat yayıb.
"Səhiyyə Nazirliyində Peşəkar İnkişaf Şurasının növbəti
iclası keçirilib. İclasda tibbi xidmətin keyfiyyəti ilə bağlı Tibb
və Əczaçılıq Fəaliyyətini Tənzimləmə Agentliyi tərəfindən
araşdırılan 5 məsələ müzakirə edilib və 8 həkimin peşə məsuliyyəti
müzakirə edilib. Şuranın qərarı ilə 4 həkimin dövlət arayışının
qüvvəsi müxtəlif müddətlərə dayandırılıb.
Peşəkar İnkişaf Şurası həkimlərin peşə fəaliyyətinin hərtərəfli və
ətraflı öyrənilməsini təmin edir. Xəstəyə göstərilən tibbi xidmətin
keyfiyyətini, tibb işçilərinin mümkün pozuntularını, peşə
məsuliyyətlərini və xəstə ilə vicdansız/etik olmayan, qeyri-adekvat
rəftar hallarını müzakirə edir.
Vətəndaşlara göstərilən tibbi xidmətin keyfiyyətinin öyrənilməsi
məqsədilə Peşəkar İnkişaf Şurasının həftədə bir dəfə iclasları
keçirilir. Şura üzvləri 2022-ci ildə 285 həkimin peşə məsuliyyətini
müzakirə ediblər. Onlardan 210 həkim peşə məsuliyyətinə cəlb
edilib, 6 həkimin dövlət şəhadətnaməsi ləğv edilib, 49 həkim isə
müxtəlif müddətlərə işdən kənarlaşdırılıb”, - deyə
məlumatda bildirilir.