Yanvar-oktyabr aylarında Bakı-Tbilisi-Qars dəmir yolu marşrutu üzrə
yükdaşımalar 540 min ton təşkil edib.
Trend-in məlumatına görə, bunu "Azərbaycan Dəmir Yolları" QSC-nin
sədri Rövşən Rüstəmov deyib.
Onun sözlərinə görə, 2021-ci illə müqayisədə daşınmalar 26,2% və ya
112 min ton artıb.
"Bakı-Tbilisi-Qars dəmir yolu iştirakçı ölkələrə, o cümlədən Avropa
məkanına çıxış üçün böyük imkanlar açıb və bu gün qərb marşrutunda
böyük potensial yaradır", - Rüstəmov deyib.
Bakı-Tbilisi-Qars dəmir yolunun birinci xəttinin istismarına
2017-ci ildə başlanılıb. Hazırda bu marşrutun uzunluğu 850
kilometrdir.