Nərgiz Quliyeva, Aliyə Abdullayeva və Aysu Aşırova Marneulili
gənclərd'n biridir. Onlardan ikisi şəhərdə, biri isə Böyük Muğanlı
kəndində yaşayır.
Qızlar deyirlər ki, bələdiyyədə əyləncə yerləri çatışmamazlığı var.
Kino, teatr, qeyri-formal təhsil və istirahət yerləri yoxdur. Aysu
Aşırova deyir ki, nəqliyyat da problemdir. Məsələn, Tbilisiyə
gedəndə axşam saat 6-da evə qayıtmalı olur.
“Marneulidə, bizim şəhərdə ticarət mərkəzləri problemi də var.
Buradan Tbilisiyə getməli oluruq. Kinoteatr, qadın və qızlar üçün
kafe yoxdur. Nələrsə var, amma əsasən kişilər gedirlər və bizim
üçün rahat deyil. İncəsənət dərnəkləri də çox deyil. Tbilisidə daha
çox əyləncə məkanı var, oraya gedəndə saat 6 da geri qayıtmalı
oluruq ki, nəqliyyata çataq”, - Aysu Aşırova
deyir.
Daha bir Marneuli sakini olan Aliyə Abdullayevanın da gənclər üçün
məkanla yanaşı nəqliyyat problemi də var.
“Şəhərdə problemlərdən biri avtobusların pis qrafiklə işləməsidir.
Gecə saatlarında işləmirlər. İlk növbədə avtobusun hərəkət qrafiki
dəyişdirilməlidir”, - Aliyə Abdullayeva deyir
Şəhərlə müqayisədə gənclərin kənddə daha çox problmei var. Böyük
Muğanlı sakini Nərgiz Quliyeva deyir ki, kənddə gənclər üçün məkan
faktiki olaraq yoxdur.
“Bizim kənddə problem budur ki, əyləncə yerləri yoxdur.
Park da yoxdur. Uşaqlar heç yerdə əylənə bilmirlər. İstəyirəm
uşaqlar üçün də bizim üçün də əyləncə yerləri olsun. Elementar
olaraq stadion yoxdur ki, futbol oynasınlar”, -
Nərgiz Quliyeva deyir.
Marneuli bələdiyyəsinin yerli özünüidarəsi gənclər üçün yeni
proqram üzərində işləyir. 2023-cü ildən məlum gənclərin hansı
xidmətləri ala biləcəyi aydın olacaq. İndiki mərhələdə bələdiyyə
nəqliyyat şirkətindən iş saatlarınına artırılmasını müzakirə
etmirlər. Nəqliyyatın əlavə edilməsi baxımından isə meriya 2023-cü
il büdcəsində 4 yeni avtobusun alınmasını nəzərdə tutub.