Şəxsiyyət vəsiqələrində “milliyyət” qrafasını kim ləğv edib
Davit Zurabişvili Parlamentin deputatı İaqo Xviçianın “Gürcüstanın
doğuşu”
adlı müəllif verilişində şəxsiyyət vəsiqələrində “milliyət”
qrafasının necə dəyişməsini xatırlayır.
Davit Zurabişvilinin fikrincə, gürcü liberalizmi Zviad
Qamsaxurdianın siyasətinə əks olaraq meydana çıxdı.
“Bunlar Qamsaxurdianın milliyyətçiliyini bəyənməyən adamlar
idilər. Misal üçün, etnik azlıqlara qarşı yanaşma”, –
Zurabaşvili bildirib.
Onun sözlərinə görə, həmin dövrdə Gürcüstanda ermənilərə,
azərbaycanlılara, osetinlərə qarşı diskriminasiya münasibəti var
idi. Bu ideologiyaya qarşı çıxan qərb əhval-ruhiyyəli adamlar həmin
dövrdə gürcü liberal dəyərlərinin daşıyıcısı idilər.
“Əvvəllər şəxsiyyət vəsiqəsində etnik mənsubiyyət qeyd
olunurdu. Müstəqil dövlətik və hesab edirəm ki, bu bəndin mövcud
olması tam cəfəngiyat idi. Gürcüstan vətəndaşına ermənidir,
azərbaycanlıdır, gürcüdür, osetindir deyə niyə yazmalısan? Nə
əhəmiyyəti var? Hamı Gürcüstan vətəndaşıdır. Dövlət bununla
maraqlanmalı idi. Amma Sovet klişesi, etno-millətçilik o qədər
güclü idi ki, misal üçün, bu kampaniyanı başlayan Quram Şaradze
,“İlk növbədə Gürcüstan” təşkilatı təşəbbüslə irəli çıxırdı ki,
pasportda milliyyət qrafasını bərpa edək. Pasportda və şəxsiyyət
vəsiqəsində milliyyət yazılsın. Bu mövzuda çox debatlar oldu.
Zamanında ləğv etmə necə baş verdi? Parlamentin Hüquq Komitəsi ləğv
etdi. Həmin Hüquq Komitəsinin sədri Saakaşvili idi. Təşşəbüskar isə
Hüquq Komitəsi Aparatının sədri Koba Davitaşvili idi. Hüquq
Komitəsinin sədri Saakaşvilinin müavini isə Nino Burcanadze idi.
“Milliyyət” qrafasının sənədlərdə ləğv edilməsi bu üç adamın
xidmətidir. Sonradan Şaradze bərpa məsələsini qaldıranda
yazıçıların bir ismi, köhnə ziyalıların bir hissəsi ona qoşuldu.
Onlar bu mövqedən çıxış edirdilər ki, “mən gürcüyəm və istəyirəm
vəsiqəmdə gürcü olduğum yazılsın!” Liberal ritorika buna qarşı
işləmədi. Hamı qanun qarşısında bərabərdir məsələsi də işləmədi.
Əvəzində isə yaxşı işləyən bu oldu: Koba Davitaşvili polemikalardan
birində bildirdi və bu əsas arqument oldu. Davit Ağmaşenebelinin
pasportunda etnik mənsubiyyəti yazılsaydı, indi Qıpçaq Muxtar
Respublikası var idi. Biz dövlətiksə, hamımız gürcüyük. Və gürcü
olmayanın, vətəndaşlıq baxımından gürcüyə çevrilməsi heç də yaxşı
deyil. Bunu başa düşdülər.”
Davit Zurabişvilinin sözlərinə görə, bu mövzu liberalizm və bir az
da millətçilik nöqteyi-nəzərindən izah edilib. Ancaq Koba
Davitaşvili məhz bu arqumentlə bu məsələni Parlamentin deputatları
ilə həll edə bilib.