“İrəvanın tanımağa hazır olduğu 86,6 min kvadrat
kilometr Azərbaycan ərazisinə Dağlıq Qarabağ da
daxildir”,
- Ermənistanın baş naziri Nikol Paşinyan mətbuat konfransında
deyib.
“Bu 86,6 min kvadrat kilometrə Dağlıq Qarabağ da
daxildir. Amma onu da qeyd etmək lazımdır ki, Dağlıq Qarabağ
ermənilərinin hüquqları və təhlükəsizliyi məsələsi Bakı-Stepanakert
formatında müzakirə edilməlidir”, - Paşinyan
bildirib.
Eyni zamanda o, Azərbaycanla sülh sazişinin mətni üzrə razılığın
tezliklə əldə olunacağına ümid etdiyini bildirib.
“Beynəlxalq ictimaiyyətin təsəvvürü getdikcə daha çox
Ermənistan və Azərbaycanın bir-birinin ərazi bütövlüyünü
qeyd-şərtsiz - 29 800 və 86 600 kvadrat kilometr ərazilərdə
tanıması formuluna meyllənir. Ermənistan Azərbaycanın 86 min 600
kvadrat kilometr ərazi bütövlüyünü tanımağa hazırdır. Fikrimizcə,
Azərbaycan Ermənistanın 29 min 800 kvadrat kilometr ərazi
bütövlüyünü tanımağa hazırdır. Əgər bu məsələdə bir-birimizi düzgün
başa düşsək, o zaman Ermənistan, bəli, Azərbaycanın 86,6 min
kvadratkilometr hüdudları daxilində ərazi bütövlüyünü tanıyacaq, o
mənada ki, Azərbaycan Ermənistanın ərazi bütövlüyünü 29,8 min
kvadratkilometr hüdudlarda tanıyacaq”, - deyə
Paşinyan bildirib.