Maliyyə Nazirliyinin İstintaq Xidməti tərəfindən saxta pulların
satılması ilə bağlı 3 nəfər saxlanılıb.
“İstintaq müəyyən edib ki, təqsirləndirilən şəxslər bir
işdə qanunsuz maddi sərvət əldə etmək məqsədi ilə Tbilisi şəhərində
19900 ABŞ dolları məbləğində, digər halda isə Batumidə müxtəlif
obyektlərdə 4 ədəd 100 dollarlıq, 1 ədəd 50 dollarlıq saxta əskinas
satıblar. Araşdırma zamanı sözügedən saxta əskinaslar tamamilə
götürülüb”, - deyə istintaq xidmətindən
bildirilib.
Gürcüstan Cinayət Məcəlləsinin 7 ildən 10 ilədək müddətə azadlıqdan
məhrumetməni nəzərdə tutan 212-ci maddəsinin birinci və ikinci
hissələri ilə istintaq davam etdirilir.