Varşavada parlament binası qarşısında aksiya keçirən fermerlər
polislə toqquşub. Polis mitinqdə bibər qazından istifadə edib,
çünki onlar iddia ediblər ki, bəzi fəallar Polşa təhlükəsizlik
qüvvələrinə qarşı zorakılıq ediblər.
Martın 6-da minlərlə fermer Varşavada parlamentin qarşısına
toplaşıb. Etirazçılar təkərləri yandırıb, partlayıcı qurğular
atıblar. Etiraz edən fermerlər xaricdən gətirilən kənd təsərrüfatı
məhsullarının ucuzluğuna və Polşa məhsullarını rəqabətsiz hala
gətirən ekoloji qaydalara etiraz edirlər.
Varşava polisinin bəyanatında deyilir:
“Zabitlərimizin
təhlükəsizliyini təhdid edən davranış, o cümlədən onlara daş atmaq
güclü və qətiyyətli cavab tələb edir”.
Daha sonra qarşıdurma zamanı bir neçə polisin yaralandığı
bildirilib. Sonda polis onlarla insanı saxlayıb.