59 saylı məntəqədə Bələdiyyə Məclisinin sədr müavinini seçki protokolunu qaçırmaqda ittiham edirlər
Birləşmiş Müxalifətin
nümayəndələrin dediyinə görə, İmir kəndində yerləşən 59 saylı seçki
məntəqəsində səsləri sayılması prosedura həyata keçirilərkən
Marneuli Bələdiyyə Məclisini sədr müavini Mamuka Naveriani
məntəqəyə daxil olub.
O, hüquq mühafizəçilərinin yardımı ilə məntəqədən protokolu
götürüb. Məntəqədə olan müxalifət nümayəndələri deyirlər ki,
məntəqədə seçkini müxalifətin namizədi Qriqol Vaşadze udurdu.
Birləşmiş Müxalifətin nümayəndələrinin dediyinə görə, hüquq
mühafizəçiləri onların bir neçə fəalına qarşı güc tətbiq edib.
Hal-hazırda müxalifət nümayəndələri, yerli sakinlər və hüquq
mühafizəçiləri İmir seçki məntəqəsi ərazisinə toplaşıblar. Orada
olanlar yol bağlamağa cəhd ediblər. İmir kəndi Marneuli-Sadaxlı
yolu üzərində yerləşir.
“Marneuli” radiosunun jurnalistləri Mamuka Naveriani ilə əlaqə
yaratmağa çalışırlar. Əməkdaşlarımız Bələdiyyə Məclisinin sədr
müavininin əmisi, Parlamentin majoritar deputatı Tamaz Naveriani
ilə əlaqə saxlayıblar. O, bildirib ki, Mamuka Naverianinin
məntəqədə olmaq hüququ var, belə ki, o, müşahidəçi kimi
qeydiyyatdan keçib.