“Könüllü ol – virusun yayılmasını dayandır”! – Marneuli meriyası bu şüarla könüllülər toplamağa başlayır
“Könüllü ol – virusun yayılmasını
dayandır”! – Marneuli meriyası bu şüarla könüllülər
toplamağa başlayır.
Onlar yaşlı vətəndaşları dərman və ilkin yardım ləvazimatları ilə
təmin etməkdə və digər işlərdə yardım göstərəcəklər. Meriyanın
İctimaiyyətlə Əlaqələr Şöbəsinin rəhbəri Mariam Xaçidzenin
“Marneuli” radiosuna verdiyi məlumata görə, meriya bu qərarı
koronavirusun qarşısının alınması məqsədi ilə qəbul edib.
“Qeyd olunan tədbirlər həssas qrupların özünütəcridinə
dəstək olmaq üçün nəzərdə tutulub. Xahiş edirik yüksək sosial və
vətəndaşlıq məsuliyyəti göstərin və layihəyə qoşulun. Fəallıqlara
qoşulmaq üçüm vətəndaş 18 yaşdan yuxarı olmalıdır. Layihəyə
qoşulmaq istəyi olan halda ərizə formasını doldurmalıdırlar.
Könüllülər müvafiq geyimlə təmin olunacaqlar və onlara xüsusi təlim
keçiriləcək”, – Marneuli meriyasının “Facebook”
səhifəsində yayımlanan məlumatda qeyd olunub.
Mariam Xaçidzenin bizimlə söhbəti zamanı dediyinə görə, könüllülərə
treninq keçirilməsi məsələsi hələ ki, tam dəqiqləşməyib, ancaq
səhiyyə istiqamətində çalışan təşkilatlarla danışıqlar
aparılır.
Yerli özünüidarədə neçə nəfər yaşlı şəxsə yardım lazım olacağı ilə
bağlı statistik göstəricilər hələ ki, yoxdur. Ancaq meriyadan
bildirirlər ki, merin nümayəndələri öz kəndlərində artıq siyahılar
tərtib edirlər və ola bilsin sabah dəqiq məlumat olacaq. “Marneuli”
radiosu Marneulinin Sosial Xidmət Agentliyindən məlumatı
dəqiqləşdirməyə cəhd göstərdi. Qeyd olunan xidmətin də bələdiyyə
miqyasında neçə nəfər tək yaşayan yaşlı vətəndaşın olması ilə bağlı
statistik məlumatı yoxdur. Marneuli miqyasında təqaüdçülərin sayı
isə təxminən 19 500 nəfərdir.
Ərizə forması:
https://docs.google.com/forms/d/e/1FAIpQLSfE0G5RgaeAVi80C8QQi5SwPvUrE5SRdN_EAa8zIsMA74TGHg/viewform?fbclid=IwAR0gX6wLxVp0nV7iUzZBzzEDo1DMchIGg8WlDQJOigPxPHoDDqJC4Up1sCg