“Yeni Düşüncə İnstitutu”nun təsisçilərindən Kamran Əfəndiyev
“Gənclər Agentliyi”nin “Gənc İşçilər” mükafatına namizəddir. Bu
barədə məlumatı “Marneuli” radiosu ilə söhbəti zamanı Əfəndiyev
təsdiq etdi.
Onun sözlərinə görə, mükafatla bağlı məlumatı “Gənclər
Agentliyi”nin səhifəsindəki paylaşımda görüb və öz istəyi ilə
namizədliyini irəli sürüb.
“Artıq 6 ildir ki, bizim komanda təhsil, mədəniyyət və
sosial sahədə 40-dan çox layihə həyata keçirib. Bununla yanaşı bir
çox yerli və mərkəzi qurumlarla əməkdaşlıq edirik. Sadəcə icmanın
gənclərinə deyil, bütün yaş kateqoriyalarına da xidmət göstəririk
amma təbii ki, ən çox gənclərin inkişafı, təhsili və sosiallaşması
lahiyələrinə böyük yer veririk. Hesab edirəm ki, bizim komandanın
uğurundan və xidmətlərindən irəli gələrək, biz bu mükafata layiqiq.
Qalib olmaq üçün iş görmürük. İcmamıza xidmət edirik. Bunun
insanlar tərəfindən dəyərləndirilməsi isə bizə böyük motivasiya və
dəyər qazandırır.”
Kamran Əfəndiyev bildirdi ki, bu gün 26 noyabr tarixində saat
20:00-da “Gənc İşçilərin” Milli Forumunda Kvemo Kartli üzrə qalib
məlum olacaq.
Məlumat üçün qeyd edək ki, “NTİ”-ın təsisçilərindən Kamran
Əfəndiyev bu günə qədər bir çox təşkilatlarla xidmət göstərərək
40-a yaxın layihələr həyata keçiriblər.
Qeyd edək ki, Forumun məqsədi gənclərin işinə qoşulmuş gənc
işçiləri, təşəbbüs qruplarını, assosiasiya və institutları müəyyən
etmək və onlarla birlikdə Gürcüstanda gənclərlə işləməyin
əhəmiyyətini, aparılan prosesləri müzakirə etməkdir