Marneuli bələdiyyəsinin Kirovka kənd ictimai məktəbi söküləcək.
Bir neçə aydır təhsil müəssisəsi binanın qəzalı vəziyyətdə
olmasıına görə, təhsil prosesini dayandırıb və tədris prosesi qonşu
kənddə, Dəmyə-Görarxıda davam etdirilir.
Yerli Resurs Mərkəzin nümayəndəsi Əli Qəhrəmanov "Marneuli"
radiosuna bildirib ki, bələdiyyə miqyasında 7 qəzalı vəziyyətdə
olan məktəb var. Onlar təmir oluna bilməz və yenisinin tikilməsinə
ehtiyac var.
Qeyd edək ki, Kirovka kənd məktəbinin sıradna çıxmış divarları,
yarı uçmuş vəziyyətdə olan döşəməsi fonunda hələ 2017-ci ildən
məktəbin bərpası barədə söhbət aparılırdı. Ancaq problem bu gün də
həll olunmayıb.
Məktəbin bərpasının nə zaman baş tutacağı və ya tikintiyə neçə lari
ayrılacağı barədə hələ məlumatımız yoxdur. Resurs Mərkəzim rəhbər
səlahiyyətlərini icra edən şəxsin sözlərinə görə, indiki mərhələdə
yerli səviyyədə sökülmə haqqında işlər aparılır.