Gürcüstan sülh indeksinə görə 2022-ci ildə 163 ölkə arasında 95-ci
yerdədir. Qlobal sülh indeksini Avstraliya təşkilatı İqtisadiyyat
və Sülh İnstitutu hər il yayımlayır.
“İqtisadiyyat və Sülh İnstitutu tərəfindən hazırlanmış qlobal sülh
indeksi dünyada qlobal sülhün aparıcı ölçüsüdür. Bu hesabat
hərtərəfli göstəricilərə əsaslanan analizi, onun iqtisadi dəyər və
dinc ictimaiyyətin inkişafı haqqında sülh tendensiyalarını əks
etdirir. Qlobal sülh indeksi dünya əhalisinin 99,7% əhatə edir və
23 keyfiyyət və kəmiyyət indikatorundan istifadə etməklə
hesablanır, üç əlamətlə sülh vəziyyətini ölçür”, –
təşkilatın məlumatında qeyd olunub.
Təşkilat qlobal sülh indeksini sosial təhlükəsizlik və müdafiə,
daxili və xarici münaqişələr, militarizasiya keyfiyyətinə əsasən
hesablayır.
Qlobal sülh indeksinə Gürcüstanın qonşu dövlətləri də daxil
edilib:
- Ermənistan – 83-cü yer
- Azərbaycan – 128-ci yer
- Türkiyə 145-ci yer
- Rusiya – 160-cı yer
2022-ci ildə qlobal sülh indeksinə görə İslandiya birinci yerə
çıxmışdı. İslandiyadan sonra Yeni Zelandiya və İrlandiya gəlir.
Qeyd edək ki, 2021-ci ildə Gürcüstan qlobal sülh indeksinə görə 163
ölkə arasında 85-ci yerdə idi.