Gender Şurası 2019-cu ilin büdcəsinin müzakirəsi ilə bağlı heç bir tövsiyə təqdim etməyib
Marneuli
bələdiyyəsinin Gender Şurası 2019-cu ilin büdcəsinin müzakirəsi ilə
bağlı Bələdiyyə Məclisinə tövsiyə təqdim
etməyib.
Marneuli Bələdiyyə Məclisi sədrinin gender məsələləri üzrə
məsləhətçisi və Gender Şurasının üzvü İa Esebua bizimlə söhbəti
zamanı bildirdi ki, şura üzvlərindən biri meriyanın Maliyyə
Xidmətinin rəhbəridir və onunla şifahi razılaşma əsasında şura üçün
müəyyən miqdarda vəsait ayrılıb.
Esebua deyir ki, bundan əlavə büdcənin hazırlanması prosesi zamanı
şura başqa tövsiyə verməyib. Misal üçün, Gender Bərabərliyi Şurası
infrastruktur, sosial və ya başqa layihələrin hazırlanması zamanı
gender aspektinin necə nəzərə alına biləcəyi ilə bağlı tövsiyə
verməyib. Esebua buna səbəb kimi Marneuli bələdiyyəsi Gender
Şurasının tərkibində dəyişikliklərin gözlənilməsini göstərib.
“Fevral ayının əvvəllərindəbizim şurada dəyişikliklər
gözlənilir. Bizim nizamnaməyə əsasən üzvləri dəyişməliyik və yeni
üzvlərlə münasibətdə bütün bunlar nəzərə alınıb, Yəni sonrakı
işləri onlar görməlidirlər”, – İa Esebua deyir.
Qeyd edək ki, Marneulinin gender bərabərliyi şurasının fəaliyyəti
üçün büdcədən 12 min lari ayrılıb.
Bizimlə söhbəti zamanı Marneuli Bələdiyyə Məclisi sədrinin gender
məsələləri üzrə məsləhətçisi İa Esebuanın dediyinə görə, məbləğ
əsasən əhali ilə görüşlərə və təlimlərə sərf olunacaq.
“Eləcə də beynəlxalq qadınlar günü, 8 mart tarixi ilə
bağlı tədbir nəzərdə tutmuşuq. Ola bilsin kiçik hədiyyələr də
alınsın. Eləcə də, çoxuşaqlı ailələrə və tək analara kömək etmək
istəyirik. İstəyirik əhalinin məlumatını artıraq və bilsinlər ki,
bələdiyyədə gender şurası fəaliyyət göstərir və əhalini başa salaq
ki, bizə müraciət edə bilərlər. Biz də maksimum dərəcədə imkanımız
daxilində köməklik göstəririk” – İa Esebua deyir.
Marneulinin gender bərabərliyi şurası keçən ildən fəaliyyətə
başlayıb. Şuraya büdcədən istifadə etmək imkanı isə bu ildən
verilib.