Tbilisidə iki nəfər dəm qazından zəhərlənmə nəticəsində dünyasını dəyişib
Tbilisidə Knolev
küçəsində baş verən bədbəxt hadisə nəticəsində qadın və kişi
dünyasını dəyişib.
İlkin məlumata görə, hadisəyə səbəb dəm
qazının sızmasıdır.
“Rustavi 2”-nin məlumatına görə “QazTransQaz”a mesaj gecə daxil
olub. Şirkət nümayəndələrinin məlumatına görə, evdə açıq yanma
kamerası olan qızdırıcı düzgün montaj edilməyibmiş.
“Bizim nümayəndələr gedəndə iki nəfər dünyasını
dəyişibmiş. Düzgün montaj edilməyən açıq yanacaq kamerası olan
qızdırıcı “Nikala” qurulu vəziyyətdə imiş” –
“QazTransQaz”ın nümayəndəsi Giorgi Lepsveridze telekanala
bildirib.
Daxili İşlərin Nazirliyindən “Netgazeti”yə bildiriblər ki, istintaq
artıq 240-cı prima maddənin üçüncü hissəsi ilə başlayıb. Qeyd
olunan maddə bir və ya daha çox adamın ölümünə səbəb olan elektrik
və ya qızdırıcının, qaz, neft və ya neft məhsulları obyektinin
təhlükəsizlik qaydalarının pozulmasını nəzərdə tutur.