Maradisi və Kudro kəndlərində içməli suyun bərpası üçün 126 394 lari xərclənəcək
Marneuli
meriyası Maradisi və Kudro kəndlərində içməli suyun bərpası və
sayğacların quraşdırılması üçün tender elan
edib.
Tenderin şərtlərinə görə, Maradisi kəndində 53 ailə içməli su ilə
təmin olunacaq. Onlara su hələlik Şulaveri kəndindəki su xəttindən
verilir. Həmin su xətti isə sıradan çıxıb və sakinlər su əldə edə
bilmirlər. Kudro kəndində isə 25 ailə içməli su ilə təmin olunacaq.
Həmin ailələr bu vaxtadək suyu dağlardan gələn su xəttindən
götürürlər.
Marneuli meriyası qeyd olunan kəndlərdə daxili su şəbəkəsi və
sayğacların quraşdırılması üçün 126 394 lari xərcləməyi
planlaşdırır.
Bələdiyyə tenderi 25 fevral tarixində elan edib, tenderdə iştirak
etmək istəyən şirkətlər öz təkliflərini 8 martdan 11 martadək verə
bilərlər.
Tenderin şərtlərinə görə, qalib gəlmiş şirkət hər iki kənddə daxili
içməli su xəttinin çəkilməsi və sayğacların quraşdırılması işlərini
müqavilə bağlandıqdan 120 gün ərzində tamamlamalıdır.