Marneuli stadionunun bərpasına 150 000 lari dəyərindəki layihəyə düzəlişlər edildikdən sonra başlanılacaq
Marneuli mərkəzi
stadionunun təmirinə bu il başlanıla bilər.
Bu
barədə Marneuli meri səlahiyyətlərini icra edən Zaur Tabatadze
Marneuli televiziyasına verdiyi müsahibədə bildirib.
Stadion üçün smeta sənətini bələdiyyə hələ 2016-cı ildə tərtib
etmişdi ki, Bunun üçün də 150 000 lari xərclənmişdi. Lakin qeyd
olunan sənəd yenilənməlidir, belə ki, 2017-ci ildən Gürcüstan
hakimiyyəti tərəfindən müəyyən olunmuş “Bina-tikililərin
təhlükəsizliyi qaydaları”nın yeni texniki reqlamentləri qüvvəyə
minib.
Marneuli meriyasının ictimaiyyətlə əlaqələr şöbəsinin rəhbəri
Mariam Xaçidzenin “Marneuli” radiosuna bildirdiyinə görə, bu
mərhələdə stadionun smeta sənədlərinin hakimiyyətin qətnaməsinə
uyğunlaşdırılması işləri davam edir ki, buna görə də, qeyd olunan
sənədlərə düzəliş etməyə ehtiyac var.
Smeta sənədləri tamamlandıqdan sonra Marneuli yerli özünüidarəetmə
orqanı onu Regional İnkişaf Fonduna göndərəcək. Fond tender elan
edəcək və bunun nəticəsində də mərkəzi stadionun bərpasına
başlanılacaq.
Bələdiyyə tərəfindən 2016-cı ildə alınmış smeta sənədini “SAUKİ”
MMC hazırlamışdı. Şirkət tərəfindən tərtib olunmuş plana əsasən,
Marneuli stadionu 1500 tamaşaçı tutumuna malik olacaqdı, yüksək
keyfiyyətli süni ot örtüyü döşənəcək, müasir tipli diod monitor
quraşdırılacaıqdı. Ərazidə maşın dayanacağı, içərisində 4 ayaqyolu,
6 hamam və 30 nəfər üçün hesablanmış konfrans zalı olan iki
mərtəbəli bina olacaqdı ki, bu da FİFA-nın ikinci kateqoriyalı
idman meydançası tələblərinə tam cavab verəcəkdi.
Marneuli mərkəzi stadionunun bərpası üçün ümumilikdə 6 milyon
laridən artıq vəsaitə ehtiyac var. Layihə Regional İnkişaf Fondu
tərəfindən maliyyələşdiriləcək.