Marneuli gəncləri “Qdansk biznes
həftəliyi”ndən qayıdıblar. Laida Kərimova və Ani Nozadze Polşanın
Qdansk şəhərində keçirilən biznes həftəliyində Marneulini təmsil
ediblər.
Onların dediyinə görə, həftəlik çərçivəsində müxtəlif
təlim-seminarlarda iştirak ediblər və Boeing, Apple, Microsoft,
Invest GDA və s. kimi şirkətlərin nümayəndələri ilə görüşüblər.
“Çox həyəcanlıyam, indi də hamıya orada olanlardan danışıram.
Təşkilatçılar da, ən əsası bizimlə birgə iştirak edən uşaqlar da
yaxşı idilər. Ukraynadan və Polşadan da uşaqlar var idi. Hamısı çox
mehriban və səmimi idilər. Və məndə ən yaxşı təəssüratı bu
yaratdı”, - Laida Kərimova dedi.
“Belə imkan bir də əlimizə düşəcək ya yox. Lakin hər
şey çox yaxşı idi. Çünki böyük biznesmenlərlə görüşürdük və çox
şeylər öyrəndik”, - Ani Nozadze qeyd etdi.
Ani və Laida Marneuli Mədəniyyət Mərkəzi nəzdində fəaliyyət
göstərən “Red Carpet” instrumental qrupunun üzvüdürlər. Aninin
dediyinə görə, “Qdansk Biznes Həftəliyi” ilə bağlı ən yaxşı
xatirələri onlar tərəfindən gürcü mahnısı ifa olunmasıdır.
“Biz Gürcüstanlılar gürcü mahnısı ifa etdik və bu
onlarda çox güclü emosiya yaratdı. Sözlərini başa düşüb
düşmədikləri mühüm deyil, yenə də ağlamağa
başladılar”, - Ani Nozadze bildridi.
“Qdansk Biznes Həftəliyi”ndə
Gürcüstan miqyasında cəmi 6 nəfər iştirak edib. Ani və Laidadan
başqa Poşaya 4 Bolnisili gənc də gedib.
“Qdansk Biznes Həftəliyi” gənclərdə istehsalatçı vərdişlərinə nail
olmaq üçün təşkil olunmuş yay düşərgəsidir. Biznes həftəliyi Qdansk
meriyası və “Qdansk Sahibkarlar Assosiasiyası”, “Fərdi Sahibkar
Təhsili”nın birgə təşkilatçılığı ilə keçirilir.