Marneuli Bələdiyyə Məclisinin iclası təxirə salındı. İclas bu gün, 5 oktyabr tarixində, saat 12:00-da keçirilməli idi.
Bələdiyyə Məclisi aparatının rəhbəri Nino Beridzenin dediyinə görə, iclasın təxirə salınması qərarını büro bu gün qəbul edib.

Hal-hazırda isə Bələdiyyə Məclisi Aparatı müvafiq bəyanatı yayımlaya bilmir, belə ki, meriyanın binasında işıqlar sönüb.

Bələdiyyə Məclisinin iclası 8 oktyabr tarixində keçiriləcək. Bələdiyyə Məclisi Aparatı tərəfindən 4 oktyabr tarixində yayımlanmış bəyanata görə, iclasda aşağıdakı 5 məsələ müzakirə olunmalı idi:

1. “Küçə reklamlarının yerləşdirilməsi haqqında” Marneuli Bələdiyyə Məclisinin 10 yanvar 2017-ci il tarixli 3 saylı qərarına dəyişikliyin edilməsi
   /Çıxış: N.Mtvarelidze/
   
   
2. Marneuli meriyasının İqtisadiyyat Xidmətinin rəhbərinin 4 oktyabr 2018-ci il tarixli 4225-03 saylı izahatnaməsinin müzakirəsi.
   /Çıxış: N.Mtvarelidze/
   
   
3. Marneuli meriyasının Sahə Tənzimlənməsi və İnfrastruktur Xidmətinin rəhbərinin 15 avqust 2018-ci il tarixli 3590-03 saylı izahatnaməsinin müzakirəsi.
   /Çıxış: Q.Qiorqadze/
   
   
4. Marneuli meriyasının İqtisadiyyat Xidmətinin rəhbərinin 14 sentyabr 2018-ci il tarixli 3948-03 saylı izahatnaməsinin müzakirəsi.
   /Çıxış: Q.Qiorqadze/
   
   
5. “Marneuli Bələdiyyə Məclisi üçün yanacaq və telefon danışıq kartları limitinin müəyyənləşdirilməsi haqqında” Marneuli Bələdiyyə Məclisinin 29 dekabr 2017-ci il tarixli 120 saylı fərmanına dəyişikliklərin edilməsi.
   /Çıxış: R.Tabatadze/