Ermənistan Müdafiə Nazirliyi 16 noyabr tarixində sərhəddə baş verən
qarşıdurma nəticəsində itkilərinin sayını açıqlayıb.
Nazirlik qarşıdurma nəticəsində 1 nəfərin öldüyünü, 13 nəfərin əsir
götürüldüyü, daha 24 nəfərin isə itkin düşdüyünü bildirib.
Qurumdan verilən məlumata görə, itkin düşən əsgərlərin axtarışı
istiqamətində intensiv işlər aparılır. Ermənistan Müdafiə Nazirliyi
həmçinin iki döyüş postunun Azərbaycan hərbiçilərinin nəzarəti
altına keçdiyini
də açıqlayıb.
Qeyd edək ki, ötən gün Ermənistan-Azərbaycan sərhədində qarşıdurma
baş verib. Azərbaycan Müdafiə Nazirliyi Ermənistan silahlı
qüvvələrinin döyüş aktivliyinin qarşısını almaq məqsədilə Kəlbəcər
və Laçın istiqamətində qarşı tərəfin hərəkətinin
məhdudlaşdırıldığı, onun qüvvə və vasitələrinə zərər vurulduğu və
erməni hərbçiləri tərk-silah edilərək saxlanıldığı, xeyli sayda
müxtəlif çaplı silahın və külli miqdarda sursatın qənimət kimi ələ
keçirildiyini bildirib.