“Sərhədsiz Reportyorlar” Beynəlxalq Hüquq Müdafiə təşkilatının
(RSF) yaydığı Dünya Mətbuat Azadlığı İndeksində Gürcüsta 26 pillə
geriləyib.
2023-cü ildə Gürcüstan 77-ci yeri tuturdusa, 2024-cü ildə isə
103-cü yerə yüksəlib.
Sözügedən hesabat yalnız 2023-cü ildə baş verən hadisələri əhatə
edir və "Rus qanununun" ləğvinin mediaya təsirini əks etdirmir. Bu
proseslər sənəddə 2023-ci il hesabatında öz əksini tapıb.
RSF qeyd edir ki, 2023-cü il Şərqi Avropa və Mərkəzi Asiya mediası
üçün xüsusilə çətin olub. Hesabatda xüsusilə Belarusda (10 pillə
geriləyərək 167-ci yerə), Gürcüstanda (26 pillə), Azərbaycanda (13
pillə geriləyərək 164-cü yerə) vəziyyətin xüsusilə pisləşdiyi,
həmçinin Serbiyada (7 pillə) medianın vəziyyətinin pisləşməsi
vurğulanır. Burada rəsmi KİV-lərin Kreml yönümlü təbliğat yaydığı
və Rusiyadan qaçan müstəqil jurnalistlərin qorxudulduğu yerdə yəni
Rusiyada medianın vəziyyəti pisləşib (162-ci yer). Ukrayna bu
siyahıda 61-ci yerdədir, burada davam edən müharibə xüsusilə media
ekosisteminə və jurnalistlərin təhlükəsizliyinə mənfi təsir
göstərir.
RSF-nin 2024-cü il hesabatında
qeyd olunduğu kimi, Gürcüstan
hökumətinin müdaxiləsi mətbuat azadlığının yaxşılaşdırılması
səylərinə xələl gətirir.
“Müstəqil və müxalif media mühiti düşmən olaraq qalır,
jurnalistlərə qarşı şifahi və fiziki hücumların artması, eləcə də
müstəqil medianı marginallaşdırmağa və söz azadlığı məkanını
daraltmağa yönəlmiş qanunların qəbuluna cəhdlər buna
sübutdur”, - RSF qeyd edir.
“Sərhədsiz Reportyorlar” müxtəlif, lakin qütbləşmiş media mühitini
vurğulayır və əlavə edir ki, media sahibləri redaksiya siyasətinə
nəzarət edirlər.
Dünya Mətbuat Azadlığı İndeksi hesabatında qeyd olunur ki,
hökumətlər çox vaxt onları tənqid edən medianın suallarını
cavablandırmaqdan imtina edir və bəzən senzura, qarayaxma və
hədə-qorxu kampaniyalarına əl atırlar.
“Hökumət Aİ-nin mətbuat
azadlığı ilə bağlı tövsiyəsini hələ yerinə yetirməyib ki, bu da
üzvlük danışıqlarına başlamazdan əvvəl zəruri addımdır”. KİV-də
plüralizmi və şəffaflığı artıran əvvəlki islahatlardan fərqli
olaraq, hakimiyyət elektron rabitə haqqında qanuna, eləcə də surəti
çıxarılan “Xarici agentlər haqqında” qanuna dəyişiklik etməklə
müstəqil radio stansiyalarına və televiziya şəbəkələrinə nəzarət
etmək məqsədini açıq şəkildə ortaya qoydu. Küçə etirazları və
beynəlxalq təzyiqlərdən sonra qanun layihəsi nəhayət geri
götürüldü", - RSF-nin yalnız 2023-cü prosesi əhatə edən
hesabatında deyilir.
Məhkəmələr bəzən mənbələrin məxfiliyini pozmağa çalışırlar,
baxmayaraq ki, bu, İfadə Azadlığı Aktı ilə təmin edilir".
Ümumdünya Mətbuat Azadlığı hesabatında həmçinin reklam bazarındakı
problemlərdən və müstəqil medianın maliyyə çətinliklərindən, o
cümlədən din xadimlərinin körüklədiyi və təhlükəsizlik
xidmətlərinin dəstəklədiyi azlıqların problemləri ilə bağlı
gərginlikdən bəhs edilir. Bu da öz növbəsində bu məsələlərin
işıqlandırılmasında medianın işinə təsir edir.
Mətbuat azadlığı indeksinin başında demək olar ki, bütün
istiqamətlərdə ən yaxşı göstəricilərə malik Skandinaviya ölkələri
gəlir.
Əsas foto: 2023-cü ildə Rusiya qanunlarına qarşı jurnalistlərin
hərəkəti. Sonra hökumət qanun layihəsini geri götürdü, lakin
2024-cü ildə yenidən geri qaytarıldı.
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.