Oktyabrın 30-da Azərbaycandan Ukraynaya humanitar yardım kimi
növbəti enerji avadanlığı partiyası göndərilib.
Avadanlıq Azərbaycanın əvvəllər Ukraynaya ayırdığı 7,6 milyon
dollar çərçivəsində alınıb.
Bu barədə Ukraynanın Azərbaycandakı səfiri Vladislav Kanevski öz
Facebook səhifəsində yazıb.
Elektrik avadanlıqları Ukraynanın enerji sisteminə yüz minlərlə evi
istilik, su və işıqla təmin etməyə imkan verəcək. Müəssisə və
şirkətlərin işləməsinə imkan verəcək.
Kanevskinin yazdığına görə, Rusiyanın Ukraynanın şəhər və
kəndlərini bombalaması bir gün belə ara vermir.
Soyuqları düşməsilə Ukraynanın enerji infrastrukturuna zərbələr
endirmək üçün yeni planlar hazırlanır, səfir qeyd edib.
Ukraynanın enerji sektoruna dəstək strateji Azərbaycan-Ukrayna
tərəfdaşlığının təzahürüdür.
“Bu dəstək bizə əzm verəcək və qələbə qazanmağa kömək
edəcək”, - səfir qeyd edib.
Azərbaycan Energetika Nazirliynin nümayəndəsi Ələsgər Həsənov
bildirib ki, bu gün Ukraynaya göndərilən yardımın ümumi dəyəri 1,5
milyon manatdan çoxdur.
Azərbaycanın Ukraynaya humanitar yardımını ümumi dəyəri 33 milyon
dolları ötüb.
Bundan əlavə, müharibədən zərər çəkmiş və ya ailə üzvlərini itirmiş
154 ukraynalı uşaq Azərbaycanda tibbi və sosial-psixoloji
reabilitasiya keçib.
Azərbaycan İrpendə dağıdılmış akademik Zərifə Əliyeva adına liseyi
bərpa edib.
Mənbə: turan.az