STOMATİT: əmələ gəlmə səbəbləri və müalicəsi
Stomatit - ağız boşluğunun selikli qişasının
iltihabıdır.
Bu xəstəliyə həm uşaqlarda, həm böyüklərdə çox tez-tez təsadüf
edilir. Stomatit zamanı ağız boşluğunun selikli qişasında kiçik
ağrılı yaralar əmələ gəlir.
Stomatitin səbəbləri müxtəlif ola bilər:
- Bakteriyalar stomatitin inkişafına səbəb olur. Bu gigiyena
qaydalarına riayət etməməsi, immun sistemini zəifləməsi, ağız
boşluğu selikli qişasının travmaları (dişlədikdə, diş yuduqda və
s.) zamanı mümkündür.
- Göbələk infeksiyası (uşaqlarda tez-tez təsadüf edilir).
- Virus (əsasən herpes virusu).
- Allergiyalar (qidaya, diş pastasına qarşı) da stomatitin tez-tez
inkişafına səbəb ola bilər.
- Bəzi xəstəliklər (leykemiya - qan xərçəngi, Bexçet sindromu və
s.), B qrupu və C vitaminlərinin çatışmazlığı da stomatitin
inkişafına səbəb ola bilər.
- Bəzi dərman preparatlarının uzun müddət ərzində qəbulu stomatitin
inkişafına səbəb ola bilər. Bu dərmanların arasında: antibiotiklər,
epilepsiya əleyhinə preparatlar, xərçəng xəstəliyinin müalicəsində
istifadə olunan dərmanlar və s.
Stomatitin simptomları:
- Ağızın selikli qişasında ağrılı xoralar (1 mm-dən 10 mm
kimi).
- Qida qəbulu və danışıq zamanı ağrılar və diskomfort.
- Ağızın selikli qişasının qızarması.
- Ağızdan pis qoxu.
- Bəzən hərarətin yüksəlməsi.
Əgər stomatit yüksək hərarət, dəridə suluqların əmələ gəlməsi və s.
simptomlarla müşayiət olunarsa, mütləq həkimə müraciət edin.
Tez-tez təkrarlanan stomatit immun sistemində olan pozulmadan xəbər
verə bilər.
Stomatitin müalicəsi bu xəstəliyin səbəbindən asılıdır. Müalicə
zamanı yerli (qarqaralar, məlhəmlər, xüsusi antiseptik preparatlar
və s.) və ümumi müalicə (antibiotiklər, hormonal preparatlar və s.)
təyin olunur.
Stomatit zamanı ağız boşluğunun selikli qişası iltihablaşmış olur.
Bu səbəbdən xəstə xüsusi pəhriz saxlamalıdır. Qida yumşaq, yüngül,
ilıq olmalıdır (tərəvəz püreləri, supları). Şirin, istiotlu, turş,
isti, qızardılımış qidalar, qəhvə, şokolad əks-göstərişdir.
Bəzi xalq təbabəti üsulları stomatit zamanı çox yaxşı müalicəvi
effekt verir. Çobanyastığı dəmləməsi ilə qarqara çox effektlidir.
Dəmləməni hazırlamaq üçün 1 stəkan qaynar suda 1 xörək qaşığı
çobanyastığı dəmlənilir və 30 dəqiqədən sonra süzülür. Bu dəmləmə
ilə ağız boşluğunu tez-tez qarqara etmək lazımdır.
Kalendula bitkisi də çox yaxşı təbii antiseptikdir.
Propolis dəmləməsi ilə qarqara da çox yaxşı kömək edir. Propolisin
kiçik tikəsini sürtgəcdən keçirdib 1 stəkan qaynar suda dəmləyin və
tez-tez qarqara edin.
Mənbə -
Sağlamolun.az