Ekoloji Nəzarət Departamentinin hesabatına görə, CITES Konvensiyası
ilə qorunan yırtıcı quşların Gürcüstandan qanunsuz çıxarılması
cəhdinin qarşısı alınıb.
“Biz Qonio yaxınlığındakı Batumi şəhərində nəsli
kəsilməkdə olan vəhşi flora və fauna növlərinin beynəlxalq ticarəti
haqqında Konvensiyanın əlavələrinə daxil edilmiş növlərin qanunsuz
ixracına cəhd faktını aşkar etdik.
Vətəndaş nəqliyyat vasitəsinin baqajına yerləşdirilmiş xüsusi
hazırlanmış taxta yeşiklərdə 9 ədəd yırtıcı quşu - qırğı və şunquru
daşıyıb.
Vətəndaş quşlara qanuni şəkildə sahib olmaq və onları ölkədən
çıxarmaq hüququnu təsdiq edən müvafiq sənədləri təqdim etməyib.
Müsadirə edilmiş yırtıcı quşlar müvəqqəti olaraq Tbilisi Zooloji
Parkına təhvil verilib.
Sözügedən qanun pozuntusuna görə hər bir vahid üçün 4000 lari
cərimə nəzərdə tutulur” - deyə Ekologiya Nəzarəti
Departamenti qeyd edir ki, Gürcüstan beynəlxalq ticarəti
tənzimləmək və növlərin geri dönməz şəkildə yox olması prosesinin
qarşısını almaq üçün 1996-cı ildə qəbul edilmiş CITES
konvensiyasına qoşulub.